Informasaun refere hato’o husi komunidade Debos ba iha Ministerio Petróleo e Recursos Minerais (MPRM) iha data 28 Fulan Janeiru 2016. Kontaminasaun be’e ne’e komunidade hetan hafoin halo perfurasaun be’e rai okos iha metru 35 husi rai leten. Entretantu, Instituto Petróleo e Geologia – Instituto Público (IPG) nudar instituto Governo Timor Leste ne’ebe tutela iha MPRM nia okos atu halao nia knar hodi halao investigasaun ba rekursu minerais, petroloeo, risku jeolojiku no bee iha teritorio Timor Leste.

Atu responde informasaun refere, Sr. Elias da Silva Cabral ne’ebe nudar Diretur investigasaun jeolojiku hato’o katak iha tempu badak nia laran ekipa husi divisaun Investigasaun Jeolojiku sei kolabora hamutuk ho Divisaun Risku Jeolojiku husi IPG sei desloka atu ba halo investigasaun jeolojia iha area refere, hodi bele hatene fatores saida mak afeta ba kontaminasaun bee nee. Alende atu halo investigasaun jeolojia, ekipa IPG mos sei halo investigasaun idrojeolojia atu nune bele hatene kualidade bee ne’ebe kontamina ona no bele hatene mos beerai okos nia lalaok.
Area ne’ebe kontamina ona nee adminitrativamente hela iha area Debos, bele hare iha mapa tuir mai nee.

Mapa Lokalijasaun